İctimai Müzakirədə 29 Qeyri-Hökümət Təşkilatlarının nümayəndələri, Kütləvi İnformasiya Vasitələrinin təmsilçiləri, insan alveri sahəsində ixtisaslaşmış jurnalistlər, hüquqşunaslar, insan hüquqları müdafiəçiləri və dövlət qurumlarının nümayəndələri iştrak ediblər. İctimai müzakirəni açıq elan edən təşkilatın rəhbəri Zenfira Mustafayeva iştrakçılara layihənin icrasının gedişatı barədə geniş məlumat verib.

Layihənin məqsədinə nail olmaq üçün təşkil edilən tədbirlər və həmin tədbirlərin effektliyi, qarşıya çıxan problemlər haqqında geniş danışıb. Layihə çərçivəsində onlarla şəxsə pulsuz hüquqi, psixoloji və sosial işçi xidmətinin göstərildiyi, geniş miqiyaslı maarifləndirmə kampaniyasının aparıldığını vurğulayıb.

Təşkilat rəhbəri öz çıxışında bildirib ki, layihənin icrası zamanı insan alverinə qarşı mübarizənin forma və metodları barədə əhalidə, həmçinin sosial aktiv qruplarda bilik və bacarıqların lazımı səviyyədə olmadığı müəyyən edilib. Hazırkı tədbirin də məqsədi bu çatışmamazlığı qismən aradan qaldırılmasına yönəlib.

Sonra hüquqşunas Ruslan Mustafazadə insan alverinə dair qanunvericilik toplusundan,insan alveri qurbanları və potensial qurbanlar barədə, məcburi əmək, uşaq əməyi və onlara qarşı mübarizə vasitələri mövzusunda geniş çıxış edib.

Müzakirələr zamanı, həmçinin KİV nümayəndələri çıxış edərək Kütləvi İnformasiya Vasitələrinin də İnsan alveri ilə mübarizə sahəsində önəmli yer tutduqlarını vurğulayıblar. Bu sahədə olan fəaliyyətləri və təcrübələri barədə faktları iştirakçılar ilə bölüşüblər.

İctimai müzakirədə digər iştirakçılar bu mövzuda öz fikirləri və düşüncələri ilə çıxış ediblər. Müzakirələrdən sonra "Qadın Təşəbbüsü və Sosial Problemlərin Həllinə Yardım” İB-nin layihə çərçivəsində "Məcburi əmək” mövzusunda çəkdirdiyi sosial çarx və qısa metrajlı filmlər nümayiş olunub.

Müzakirənin sonunda iştirakçılara mövzuya uyğun olaraq materiallar, buklet və broşuralar paylanıb.