Bir müddət öncədən Sumqayıt şəhər Mərkəzi Kitabxanasının qarşısı hasara alınıb, orada növbəti obyektin inşası gözlənilir. Xeberle.com məlumat verir ki, həmin vaxt tikintini aparmaq istəyən şəxslər hasarı elə ehtiyatla çəkmişdilər ki, oradakı ağacları əhatəyə almamışdılar. İndi isə görünür ki, plan dəyişib, hasar daha geniş götürülüb və bir neçə ağac hasar daxilində qalası oldu. Hazırda həmin ərazidə qazıntı-tikinti işlərinə başlanılıb. Sözügedən agacların gələcək taleyi isə artıq bəlli deyil.

Bəlkə də bəllidir: ya o ağaclar gizlin kəsiləcək üzəri torpaqlanacaq, ya da qorxu-hürkü olmadan açıq-aşkar, nümayişkəranə şəkildə baltalanacaq.

Ərazidə məsələ ilə bağlı sual verməyə məsul bir şəxs tapılmadı ki, tapılmadı.

Qarşı tərəflərin də mövqeyini işıqlandırmağa hazırıq.


 Xeberle.com
Fotolar: Kamran Kazımzadənindir
P.S. Görəsən, əlaqədar qurumlar - Ekologiya nazirliyi, Yaşıllaşdırma idarəsinin işçiləri gözlərini əyləşdikləri ofis otaqlarının hansı nöqtəsinə zilləyiblər?!