Dövlət tərəfindən məcburi köçkünlər üçün nəzərdə tutulmuş güzəştlərdən biri ləğv edilib.
Bununla bağlı Nizami rayonunda yaşayan bir neçə məcburi köçkün məlumat verib. Müraciət edən şəxslər bildiriblər ki, istifadə etdikləri şəhər telefonları bu aydan etibarən bağlanıb.
Məcburi köçkünlər məsələ ilə bağlı Nizami rayon Telefon Qovşağı (ATS) ilə əlaqə saxlayıblar. ATS-dən onlara bildirilib ki, artıq məcburi köçkünlərin istifadə etdikləri telefonların abunə haqqı dövlət tərəfindən ödənməyəcək. Bu səbəbdən də onların telefonları xətdən çıxarılıb.
Telefon Qovşağından onu da vurğulayıblar ki, poçt idarələrinə yaxınlaşıb aylıq abunə haqqını ödəməyənə qədər telefonları açılmayacaq. (
Moderator.az)
Xəbərdən istifadə edərkən istinad etmək vacibdir.