Azərbaycanımızın super beyinlərindən biri də Nizami Etibar oğlu Həşimovdur. Orta məktəbi əlaçı bitirən Nizami Beynəlxalq Biologiya Olimpiyadalarında dəfələrlə bilik və intellektini sınaqdan keçirib. Bunlardan birindən qızıl, digərindən isə bürünc medalla vətənə qayıdıb. Dünyanın super güclərinin bu olimpiadalarda yer qazanmaları üçün öz təhsil müsəssislələrinə bəzi inkişaf etməkdə olan ölkələrin büdcəsi qədər vəsait ayırmalarını nəzərə alsaq, Nizaminin necə ağır sınaqdan uğurla çıxdığını görə bilərik. O, hazırda yüksək balla daxil olduğu Akdeniz Universitetinin 3-cü kursunda təhsil alır. Bu üç il müddətində daim əlaçı olub. Ölkəmizdə gənc alimlərin az olduğunu və bunun ciddi müzakirələrə səbəb olduğunu nəzərə alsaq, Nizami kimi vətən övladlarımızı nəzərdən qaçırmamalıyıq. Bir halda ki olimpiya çempionumuz Türkiyədə təhslini maddi sıxıntılara baxmayaraq davam etdirir. (xeberlent.az)

Xəbərdən istifadə edərkən istinad etmək vacibdir.