Azərbaycan Respublikasının Prezidenti yanında Gənclər Fondunun maliyyə dəstəyi ilə Sumqayıtda "Müasir tərbiyədə mədəni dəyərlərimizi yaşadaq!” layihəsi icra olunur.
Layihə çərçivəsində ilk tədbir Sumqayıt şəhər 39 saylı tam orta məktəbdə keçirilib. Tədbirdə məktəbin direktoru Bəxşeyiş Ələmşahov mədəni dəyərlərimizin təbliği və yaşadılmasından danışaraq, məktəblilərlə etik və düzgün davranış qaydalarına əməl etməyi tövsiyə edib.
Tünzalə Miriyeva icra etdiyi layihənin məqsədindən danışıb və layihənin donoru haqqında məlumat verib.
Layihənin eksperti gənclərin cəmiyyətdə riayət etməli olduqları düzgün davranış qaydalarından, ictimai davranış qaydalarının təbliğindən və bu sahədə aparılan maarifləndirmə işlərindən danışıb.
İştirakçılara maarifləndirici bukletlər və dəftərxana ləvazimatları paylanılıb. (AZƏRTAC)

 

Xəbərdən istifadə edərkən istinad etmək vacibdir.