Azərbaycanla Almaniya məktəblərinin əməkdaşlığı nəticəsində bir qrup alman şagird Sumqayıtdakı ailələrdə yerləşdirilərək bu şəhərdə təhsil almaq imkanı əldə ediblər. Bu sözləri Almaniyanın ölkəmizdəki səfiri Mixail Kindqsrab deyib. Səfir  ölkələr arasındakı Kimya sənayesi sahəsindəki əlaqələrdən də danışıb. II Dünya Müharibəsi zamanı əsir düşərək Sumqayıtda müxtəlif işlərdə çalışan və burada dəfn olunan 311 alman əsgərinin xatirəsini anmaq üçün bu şəhərə gələn Mixail Kindqsrab onların xatirəsinə ucaldılan abidənin önünə əklil qoyub. Bu həm də bir tolerantlıq nümunəsidir. Azərbaycan minilliklər boyu müxtəlif xalqların azad, sərbəst və heç bir maneə ilə rastlaşmadan yaşadığı bir məmləkətdir. Bu, tarixin bütün dönəmlərində və mərhələlərində belə olub. Azərbaycanda azsaylı xalqların hüquqlarının qorunmasına və onlara ana dilini, mədəniyyətini, dinini yaşatmaq üçün hər cür şərait yaradılıb.

 

RAMİL ZEYNALLI

Xəbərdən istifadə edərkən istinad etmək vacibdir.