Naftalan şəhərində və Bərdə rayonunda keçirilən təlimlərdə hər birində 30 nəfər region gənci və yerli rəsmilər iştirak edirdilər. Rayon, şəhər İcra Hakimiyyətləri və yerli Gənclər və İdman İdarələrinin məsul şəxsləri təlimlərin açılışında çıxış edərək, bu tipli maarifləndirici layihələrin region gənclərinin sosial inkişafına müsbət təsirlərini qeyd etdilər.

Təlimləri ekspert qismində ADTGT sədr müavini Gülnarə Bağırova və təlimçi Dadaş Əhmədov apararaq, bölgə gənclərinə peşə bacarıqları, karyera inkişafı, peşəkarlıq imkanlarına dair xüsusi məlumat, informasiya və zəngin bilgilər çatdırdılar.

Hər bir regionda 2 gün davam edən təlim sessiyalarının sonunda iştirakçıların qiymətləndirilməsi aparıldı, onlar üçün hazırlanmış sorğu anketləri dolduruldu və bölgə gənclərinin səciyyəvi sualları cavablandırıldı.

Təlimlərdə iştirakçılara peşə bacarıqları, peşə hazırlıqları, peşəkarlıq imkanları, karyera quruculuğu, peşə-ixtisas seçimi, məşğulluq və iş axtarmaq yolları ilə bağlı məlumat, bilgi və informasiyalarla zəngin olan "Yaddaş Kitabçası”və digər çap materialları paylanıldı.

Təlimlərin sonunda iştirakçılara sertifikatlar təqdim olundu və sosial şəbəkədə onların virtual qrupunun yaradılması və requlyar əməkdaşlıq qurmaları üçün xüsusi təlimatlar verildi.