Sumqayıtın ən böyük problemlərindən biri də bir sıra yaşayış binasının zirzəmiləridir. Kimsəyə sirr deyil ki, bu zirzəmilərin bəzisi hətta acınacaqlı durumdadır. Su ilə dolu, üfunət qoxan rütubətli zirzəmilər antisanitariya, ağcaqanad, xəstəlik mənbəyi olmaqla yanaşı, həm də binanın fundamenti üçün ciddi təhlükədir. Yəni uzun illər zirzəmisi su ilə dolan binanın hər an çökmə təhlükəsi var. Sumqayıt şəhəri, 9-cu mkr-n, 51 saylı binanın zirzəmisi kimi... Sakinlər dəfələrlə şikayət edir ki, xüsusən aşağı mərtəbələrdə rutubətdən, üfunət qoxusundan evdə oturmaq olmur. Bir neçə dəfəə şəhər İcra Hakimiyyətinə, Su-kanal idarəsinə bununla bağlı məlumat verilmiş, sosial şəbəkələrdə, portallarda yazılmış, şəkilləri yayılmışdır. Lakin hələ də bu problemə əlac tapılmayıb.
Qeyd edək ki, bu şəkillər orada yaşayan sakinlər tərəfindən bir neçə saat əvvəl çəkilərək portalımızın poçt ünvanına göndərilib. İnanılmazdır, amma onlar deyirlər ki, nə az nə çox, düz 15 ildən çoxdur ki, zirzəmi bu gündədir və həmişə də adları yuxarıda çəkilən qurumlar zirzəmilərin qurudulmasından danışırlar. Nədənsə, bu başıbəlalı binaya növbə çatmır.
Ümidvarıq, bu dəfə aidiyyəti qurumlar qollarını çırmayıb real işə keçəcək və 9-cu mkr-n, 51 saylı binada yaşayan sakinləri 15 illik əzabdan qurtaracaqlar. 
Xeberle.com
P.S. Materialı hazırlayan zaman dostlarımızdan biri ideya verdi ki, bu zirzəmini qurutmaq heç məsləhət deyil. Əslində yaxşı biznes mənbəyidir, ya qaz-ördək alıb buraxıb saxlamaq olar, ya da çəkidən-sazandan...

 

 

 

Xəbərdən istifadə edərkən istinad etmək vacibdir.