Azərbaycan Respublikası Prezident yanında Gənclər Fondunun maliyyə dəstəyi ilə “Qələbə Naminə” adlı layihə Bakı şəhərində öz işini davam etdirdi. 

Tədbir 13 Sentyabr tarixində Bakı Biznes Mərkəzində keçirilib. Layihədə 25 nəfər gənc iştirak edib. Layihə haqqında məlumatı ilk olaraq layihənin rəhbəri Elnurə Kərimova verdi. Layihə Əligül Ağayevin təlim keçməsi ilə davam etdirildi.

Layihə çərçivəsində gənclərə Avropa qitəsində ilk dəfə olaraq keçiriləcək ”Bakı-Avropa-2015” oyunlarının məqsədi və faydalarından danışılıb. Layihə öz işini maraqlı müsabiqə ilə davam etdirib. Gənclər belə tədbirlərin davamlı olmasını xahiş ediblər. Tədbirdə iştirak edən gənclərə üzərində Avropa Oyunlarının təsviri əks olunmuş papaq, köynək və dəftərxana ləvazimatları hədiyyə olunub.

Qeyd edək ki, E.Kərimova Sumqayıt sakinidir.