Səbail Rayon Məhkəməsində "Gündəlik Bakı” qəzetinin baş redaktoru Habil Vəliyevin barəsində istintaq orqanının verdiyi təqdimata baxılıb.
Lent.az-ın məlumatına görə, H.Vəliyevin barəsində 4 ay müddətinə həbs qətimkan tədbiri seçilib.
Qeyd edək ki, Dövlət Təhlükəsizlik Xidmətinin yaydığı məlumata görə, dekabrın 3-də ölkədə insanları şantaj edən media orqanlarının rəhbərləri və əməkdaşları ilə bağlı tədbirlər davam etdirilir. Həmin cinayət işi üzrə davam edən istintaq-əməliyyat tədbirləri nəticəsində "Gündəlik Bakı” qəzetinin baş redaktoru H.Vəliyev də hədə-qorxu ilə tələb etmə cinayəti üzrə məsuliyyətə cəlb edilib. Hazırda istintaq tədbirləri davam etdirilir.
Xəbərdən istifadə edərkən istinad etmək vacibdir.
