Bu gün Sumqayıt şəhərində artıq ənənəyə çevrilmiş “Şəhər günü”n bayramı keçirilib. Bu il Sumqayıtın yaranmasının 65 illiyi tamam olur və bu münasibətlə “Şəhər günü” tədbirləri yüksək əhval-ruhiyyə ilə təntənəli şəkildə qeyd olunub. Tədbirdə şəhər rəhbərıiyi ilə yanaşı, Azərbaycan Baş nazirin müavini Əli Həsənov, Dövlət Sərhəd Xidmətinin rəisi Elçin Quliyev, digər rəsmi şəxslər və Azərbaycanda fəaliyyət göstərən bir sıra xarici ölkə səfirliklərinin nümayəndələri iştirak ediblər.

Sumqayıtın “Şəhər günü” bayram tədbirləri qədim Corat kəndindən başlayıb. Burada qədim Corat qalasının yanında yaradılmış bazar meydanında “Şəhər günü”nə həsr olunmuş döyüş effektləri ilə zəngin olan möhtəşəm səhnələşdirlmiş meydan tamaşası təqdim olunub.

Bayram tədbirləri Corat qəsəbəsindən sonra Sumqayıtın Bayraq meydanında təntənəli bayram keçidi ilə davam etdirilib. Tədbirdə hərbçilərin keçidi, idmançıların, motosikletçilərin, Azərbaycanın müxtəlif rayonlarından gəlmiş kollektivlərin, retro maşınların, müxtəlif nağıl personajlarının, Nəhəng gəminin, Şuşa qalasının üzərində görkəmli şəxsiyyətlərin və əsgərlərin, Rusiyanını Sankt-Peterburq şəhərinin “Barabançı qızlar”ının nümunəvi çıxışları və helikopterlərin möhtəşəm avia şousu olub.

Bir günü əhatə edən “Şəhər günü” bayramı axşam saatlarında Azərbaycanını tanınmış incəsənət xadimlərinin konsert proqramı ilə davam edəcək və bayram tədbiri əsrarəngiz atəşfəşanlıqla yekunlaşacaq.

Xeberle.com