"Azərikimya” İstehsalat Birliyinin akt zalında 31 dekabr Dünya Azərbaycanlılarının həmrəylik günü və Yeni il münasibətilə tədbir keçirilib.
Birliyin İdarəetmə aparatının, Etilen-polietilen zavodunun və Təmir tikinti İdarəsinin əməkdaşlarının iştirak etdiyi tədbirdə "Azərikimya” İB-nin Müşahidə Şurasının sədri, Milli Məclisin deputatı Muxtar Babayev kimyaçıları bayram münasibətilə təbrik edib, bu bayramın dünyanın 70-dən çox ölkəsində yaşayan azərbaycanlıların birliyi və həmrəyliyi yolunda mühüm əhəmiyyət daşıdığını vurğulayıb. Eyni zamanda yola saldığımız 2016-cı ildə "Azərikimya” İB” də görülmüş işlər, həyata keçirilmiş layihələr və qazanılmış uğurlara da nəzər salınıb.
Tədbirdə Birlik rəhbərliyinin tövsiyəsi əsasında "Azərikimya” İB-nin Həmkarlar İttifaqı Komitəsi  tərəfindən təltif olunmuş 20 nəfər kimyaçıya Fəxri fərman və pul mükafatları təqdim olunub.

 

 

 

 

 

 

 

 

 

 

 

 

Xəbərdən istifadə edərkən istinad etmək vacibdir.