Bəli, 2013-cü ilin may ayına kimi Sumqayıtda vəziyyət belə idi. Elə ki, şəhərdə "ASAN Xidmət" fəaliyyətə başladı, həmin günlər tarixə qovuşdu. Sumqayıt Regional "ASAN Xidmət" Mərkəzi Sumqayıtla yanaşı, Abşeron, Xızı,Siyəzən, Şabran, Quba, Qusar və Xaçmaz rayonunda qeydiyyatda olan vətəndaşlara da xidmət göstərir. Burada müvafiq dövlət qrumlarının və mərkəzin ümumilikdə 200-ə yaxın əməkdaşı çalışır. Üçmərtəbəli binanının birinci mərtəbəsində məlumat masası, gözləmə zalı, bank-poçt xidməti, kafe, foto, tibb məntəqəsi və uşaq əyləncə guşəsi yerləşir. Məlumat masasında vətəndaşlara hara necə müraciət edəcəkləri barədə məlumat verilir. Digər mərtəbələrdə isə dövlət orqanlarının xidmət masaları fəaliyyət göstərir. "ASAN Xidmət"ə müraciət edənlərin işini asanlaşdırmaqda könüllülərin böyük əməyi var. İndiyədək mərkəzdə 377 könüllü məzun fəaliyyət göstərib. Bu məzunlardan 30-a yaxını hazırda müxtəlif dövlət orqanlarında çalışır. "ASAN Xidmət"in fəalityyət istiqaməti genişdir. Ancaq müraciətlər əsasən ədliyyə, daxili işlər və vergilər nazirliyi, o cümlədən miqrasiya xidməti üzrə üstünlük təşkil edir. 2016-cı il ərzində Sumqayıt Regional "ASAN Xidmət" Mərkəzi 650 minə yaxın vətəndaşa xidmət göstərib. Mərkəz həftə içi hər gün səhər saat 10-dan axşam saat 8-ə kimi, bazar günü isə saat 11-dən axşam saat 5-dək fəaliyyət göstərir.
RAMİL ZEYNALLI
Xəbərdən istifadə edərkən istinad etmək vacibdir.
