Türkiyənin Manısa vilayətinin Soma rayonunda faciə zamanı həyatını itirən şəhidlərin xatirəsinə həsr olunmuş kitabın təqdimatı keçirildi.

176 dost ürəkli ,,Soma Şiirleri Antolojisi,, adlı kitabın təqdimatına qatılanlar arasında Azərbaycan nümayəndə heyəti də iştirak edirdi. Təqdimat mərasiminin onur qonaqları arasında türk dünyasının tanınan isimlərindən olan millət vəkili Qənirə Paşayeva da vardı. Q.Paşayeva öz çıxışında Somanın dərdinin Azərbaycanın dərdi, Somada şəhid olan insanlarımızın bizim canlarımız, övladlarının və ailələrinin bizim insanlarımız olduğuna toxunaraq, doğmaları arasında olmaqdan qürur duyduğunu söylədi. Mərasimdə cıxış edən millət vəkili Azərbaycanın ümummilli problemi olan Qarabağ işğalından da söz açaraq dərdlərimizin və xoş günlərimizin eyni olduğunu mərasim iştirakçılarının diqqətinə çatdırdı.

Tədbirdə çıxış edən bütün natiqlər dərdimizin böyük olduğunu, Soma faciəsi zamanı onlarla eyni dərdi yaşadıqlarını bildirdilər. Mehmet Metin Baş öz çıxışında Qənirə Paşayevaya təşəkkür edərək, onun maaşının Soma şəhid ailələrinin hesabına köçürdüyünü mərasim iştirakçılarının diqqətinə çatdırdı.

Mərasimdən sonra şəhid ailələrinin hesabına köçürmək məqsədiylə keçirilən kitab satışında da millət vəkili yaxından iştirak etdi. Öz vəsaiti hesabına aldığı 100-dən artıq kitabı şəhid ailələri və onların uşaqlarına hədiyyə edən millət vəkili Somadakı imkansız ailələrin uşaqlarını da unutmadı. Ona sarılan hər bir ailəylə bərabər göz yaşlarını saxlaya bilməyən Paşayeva onların dərdinə ortaq olduğunu, acılarının acımız olduğunu xüsusi olaraq qeyd etdi.

Mərasimin sonunda millət vəkilini və Azərbaycan nümayəndə heyətini somalılar sevgi sloqanlarıyla ağırladı.