Sumqayıtın 65 illiyi münasibətilə bir sıra şəxslər şəhər İcra Hakimiyyətinin başçısı Eldar Əzizov tərəfindən mükafatlandırılıb. Mükafat alanlar arasında Dadaşov Elvin Vaqif oğlu da var. E.Dadaşov şəhərin mədəni və ictimai həyatında fəal iştirakına görə Sumqayıt Şəhər İcra Hakimiyyətinin başçısı tərəfindən təltif olunub.

Elvin Dadaşov 1990-cı ildə Quba rayonunun Susay kəndində anadan olub. Məktəb illərini Susay kənd orta məktəbində, Quba Texniki Təmayüllü Liseyində və son 2 ili Sumqayıt şəhər Təbiət Elmləri Təmayüllü Gimnaziyasında keçirib. 2008-ci ildə qəbul imtahanlarında 700 bal nəticə ilə Azərbaycan Respublikası Prezidenti yanında Dövlət İdarəçilik Akademiyasına qəbul olub. Göstərdiyi nəticəyə görə Prezident təqaüdünə və Prezidentin şəxsi göstərişi ilə 2 otaqlı mənzilə layiq görülüb. Universitet illərində Elvin müxtəlif yarış və çempionatlarda, eləcə də ictimai işlərdə fəallığına görə onlarla diplom, sertifikat və fəxri fərmanla mükafatlandırılıb. Marketinq, Menecment, Jurnalistika, Təlimçilik sahələrində işləyib. Hərbi xidmətdən sonra isə "Best Friends" adlı Karyera və Təhsil mərkəzini təsis edib. Bir il sonra "Panda School" adlı ikinci Məktəbəqədər Hazırlıq Bağçasının əsasını qoyub.

Xeberle.com