Sumqayıt şəhərində "Park Restoran”-da Azərbaycan Respublikasının Prezidenti yanında Gənclər Fondunun maliyyə, şəhər Gənclər və İdman Baş İdarəsinin təşkilati dəstəyi ilə "Sumqayıt Tələbələri” ictimai birliyi tərəfindən "USTA” gənclərin peşə bacarıqlarının artırılması layihəsi çərçivəsində "İT mühəndislik” peşəsi mövzusunda növbəti təlim keçirilib. Yanvarın 21-də keçirilən tədbirdə layihənin koordinatoru Rəşad Yunusov gənclər arasında peşə təhsilinə marağın artırılması, onlara müasir peşələrə yiyələnməyin yollarının öyrədilməsi istiqamətində Qeyri Hökumət Təşkilatlarının fəaliyyətlərini genişləndirmək layihənin əsas məqsədlərindən olduğunu qeyd edib. Təlim şəbəkə texnologiyaları sahəsində peşəkar mütəxəssis Seymur Mirişov tərəfindən keçirilib. Sonda təlim iştirakçılarına sertifikatlar təqdim olunub.
Qeyd edək ki, layihə çərçivəsində gənclər üçün "Dəbli biznes” mövzusunda da təlim təşkil olunacaq.
Xəbərdən istifadə edərkən istinad etmək vacibdir.
