Həyatımız boyu bir sıra çətinliklə üzləşirik. Birimiz onu asanlıqla dəf edir, digərimiz isə günlərlə, hətta aylarla baş sındırırıq. Əslində heç nə asan başa gəlmir. Hər bir ciddi işin kökündə çətinlik durur. Çətinlikləri ram etməyin yeganə yolu məqsədlərin düzgün qoyuluşu və planlaşdırma işlərinin düzgün aparılmasından ibarətdir. Məhz bu mövzu ilə bağlı Sumqayıtda təlim təşkil olunacaq. "Məqsəd qoyma və həyat perspektivlərinin qurulması" adlı psixoloji təlim 12 fevral saat 12-00-da Sülh plazanın 4-cü mərtəbəsində, Konfrans zalında keçiriləcək. Anar Məmmədovun aparacağı təlimin təşkilatçısı "Yüksəl" tədris mərkəzidir.
Təlimin məqsədi şəxsi dəyər sisteminin dərk edilməsi, məqsədlərin qoyuluşu, planlaşdırma və məqsədlərə çatma mexanizmlərilə tanışlıq, həyat perspektivlərinin müəyyən edilməsi üçün şəraitin yaradılması, İlk addımı atmaq hər zaman çətindir, lakin onu atmaq kifayətdir ki, özünəinamın təməli qoyulsun.
Təlimimiz zamanı sizə:
1. Məqsədlərin qoyuluşu;
2. Daxili qadağaların dərk edilməsi və onlardan azad olma;
3. Struktur baxışın formalaşdırılması;
4. Münasibətlərdə üstünlüyün dərk edilməsi;
5. Həyat perspektivləri və imkanlarını dərk edilməsi;
6. Şəxsi kefiyyətlərin perspektivlərə təsiri;
7. Seçimlərə görə məsuliyyət daşıma;
8. Planlaşdırma və əsaslı fəaliyyət ...
... haqqında danışılacaq. Təlim ödənişlidir.
TƏLİMÇİ HAQQINDA MƏLUMAT:Anar Məmmədov – Azərbaycan Respublikasının Prezidenti yanında Dövlət İdarəçilik Akademiyasının məzunudur. Hazırda Moskva Psixoanaliz İnstitutunun Psixologiya fakültəsində təhsil alır.
Müxtəlif təşkilat və İctimai Birliklərdə, orta və ali təhsil ocaqlarında, Kütləvi İnformasiya Vasitələrində və Biznes qurumlarda fəaliyyət göstərmiş və layihələrə rəhbərlik etmişdir.
Ünsiyyət texnologiyaları, inandırma, araşdırma və eksperiment üsulları ilə geniş məşğul olur. Verbal və qeyri–verbal siqnalların öyrənilməsi üzrə təcrübələr həyata keçirir. Psixoloji texnologiyaların və layihə yanaşmasının tədrisə implementasiyası və tətbiqi ilə məşğuldur.
1997-ci ildən etibarən sosioloji və marketinq araşdırmaları, 1998-ci ildən etibarən isə tədris sahəsinin öyrənilməsi ilə məşğuldur.
2010–2014 - cü illərdə Azərbaycanın Milli Qəhrəmanı Mübariz İbrahimov adına Biləsuvar Liseyinə, 2014 – 2017- ci illərdə isə "İstək” liseyinə rəhbərlik edib.
"Ünsiyyət texnologiyaları”, "Tədrisdə düşüncə seçimi”, "Uşaq bağçasında tərbiyyə işinin təşkili” və bir sıra digər mövzulu təlimlərin müəllifidir.
"Məqsəd qoyma və həyat perspektivlərinin qurulması" təlimi barədə əlavə məlumat almaq üçün aşağıdakı nömrələrə zəng edə bilərsiniz:
Telefonlar: (+99455) 417 99 18; (+99418) 654 01 46.
Ünvan: Sumqayıt şəhəri, Sülh küçəsi, "Sülh plaza", 4-cü mərtəbə.
Xəbərdən istifadə edərkən istinad etmək vacibdir.
