Azərbaycanda yüksək vəzifələr tutan məmurların, tanınmış simaların övladları ilə bağlı məlumatlar tez-tez media vasitəsilə gündəmə gəlir, kimisi haqda yaxşı sözlər danışılır, kimisi barədə isə əksinə... 

Cəmiyyətin bütün təbəqələri kimi, vəzifəli şəxslərin, məşhurların övladları arasında nümunəvi davranışları ilə seçilənlər də var və təbii ki, bunun əksinə olanlar da... 

Ümumiyyətlə, məmurların və məşhurların övladları haqqında bilgilər ictimaiyyətə də həmişə maraqlı gəlib - onlar kimdirlər, harda çalışır, nə işlərlə məşğuldurlar... 

Modern.az saytı “Məşhurların övladları” adlı rubrikasına davam edir. Bu rubrikada ictimai, siyasi xadimlərin, mədəniyyət, ədəbiyyat, idman və digər sahələrdə tanınmış simaların övladları haqda bilmədiyiniz bilgiləri sizə təqdim etməyə çalışırıq. 

Budəfəki təqdimatımız Milli Məclisin Beynəlxalq münasibətlər və parlamentlərarası əlaqələr komitəsinin sədri, Azərbaycanın AŞPA-dakı nümayəndə heyətinin rəhbəri, Azərbaycan Dillər Universitetinin rektoru, professor Səməd Seyidovun oğlu Urxan Seyidovbarəsindədir.

Səməd Seyidov 14 ildir Azərbaycan Dillər Universitetinin rektoru vəzifəsində çalışır. 4 aprel 2000-ci il tarixindən Dillər Universitetinə rəhbərlik edən S.Seyidov həm də 3-cü beşillikdir ki, Milli Məclisdə təmsil oluinur. Belə ki, o, 2000, 2005 və 2010-cu illərdə deputat seçilib. 
1995-ci ildə doktorluq dissertasiyasını müdafiə edərək psixiologiya elmləri doktoru adını almış və az sonra professor elmi rütbəsinə layiq görülmüş
S.Seyidov 100-dən çox elmi məqalənin, o cümlədən dərsliklərin, dərs vəsaitlərin və monoqrafiyaların müəllifidir.

Deputat Səməd Seyidovun iki övladı var – bir oğlu və bir qızı.

Mİllət vəkilinin oğlu Urxan Seyidov orta məktəbi bitirəndən sonra ali təhsili Fransada alıb.

O, hazırda Prezident yanında Dövlət İdarəçilik Akademiyasının doktorantıdır.

Bununla yanaşı Urxan Seyidov tez-tez yerli və xarici mətbuatda müxtəlif mövzularda yazılarla da çıxış edir. Məsələn, bir müddət öncə o, nüfuzlu Harvard beynəlxalq məcmuəsində (HR Harvard International Review) “iPhone demokratiyası adlı məqalə dərc etdirib. Bu nüfuzlu elmi məcmuədə Urxan Seyidov ilk azərbaycanlı araşdırmaçı kimi məqalə dərc etdirib ki, bu yazıda da dünyada demokratik proseslərin inkişafını istiqamətləndirən amillərdən söz açıb. 

Qeyd edək ki, Harvard beynəlxalq məcmuəsində (HR Harvard International Review) beynəlxalq münasibətlər üzrə mövzular geniş müzakirə edilir.

Doktorant Urxan Seyidov siyasi və beynəlxalq məsələlər üzrə bir sıra elmi məqalə və yazıların müəllifidir. O, vaxtaşırı olaraq yerli mediada - rusdilli 1news.az və day az portallaında təhlil yazılarla çıxış edir və xeyli oxucu kütləsi qazanıb.

Urxan Seyidov həm də stihi.ru saytında rus dilində yazdığı şeirlərini dərc etdiri