Azərbaycan Milli Elmlər Akademiyasının (AMEA) həqiqi üzvlüyünə əlavə vakant yerə seçkilər keçirilir.
AMEA-dan Publika.az-a verilən məlumata görə, vakant yer AMEA-nın Biologiya və Tibb Elmləri Bölməsi üzrədir.
AMEA-nın həqiqi üzvləri (akademikləri) qurumun Nizamnaməsinə əsasən, Azərbaycan vətəndaşı olan, elm istiqamətləri üzrə geniş tədqiqatlar aparan, elmi yeni biliklərlə zənginləşdirən, tanınmış elmi məktəblər yaradan AMEA-nın müxbir üzvləri sırasından seçilirlər.
AMEA üzvlərinin və onun rəhbər orqanlarının seçkiləri haqqında Əsasnamə”yə uyğun olaraq elan olunmuş ixtisaslar üzrə AMEA-nın həqiqi və müxbir üzvləri, elmi müəssisələrin və ali təhsil müəssisələrinin elmi şuraları AMEA-nın həqiqi və ya müxbir üzvlüyünə namizədliklərini irəli sürmək hüququ var.

Xəbərdən istifadə edərkən istinad etmək vacibdir.