''20 Yanvar'' dairəsi ətrafında sıxlığı aradan qaldırmaq üçün xüsusi layihə hazırlanır.
Xəbərlə.com Xezerxeber-ə istinadən xəbər verir ki, layihəni Bakı Nəqliyyat Agentliyinin mütəxəssisləri ərazidə kompleks araşdırma aparıb, nəqliyyat axını hərtərəfli təhlil etdikdən sonra hazırlayıblar. Həmin layihədəki dəyşiklilkdə dairə ətarafındakı yollarda bəzi hərəkət istiqaməti dəyişdirilib. Bununla bağlı hətta video da hazırlanıb.
Layihə ilə bağlı bəzi işlər artıq görülüb. Bunlar dairənin işıqforla tənzimlənməsi və Moskva prospektindən dairəyə daxil olan yolda hərəkət zolaqlarının sayının artırılaraq 6 zolağa çatdırılımasıdır. Amma dəyşiklik bununla yekunlaşmır.
Bunun üçün Həsən bəy Zərdabi küçəsində də hər iki istiqamətdə yol genişləndiriləcək.
Həsən bəy Zərdabi küçəsindən dairəyə daxil olan nəqliyyat axınının Moskva propsketindən daxil olan axınla qovuşma zolağında istiqamətləndirici adacıq qoyulacaq. Bununla da avtomobillərin 3-cü mikrarayon istiqamətində hərəkəti rahat təmin ediləcək.
Bakı Nəqliyyat Agentliyinin mətbuat katibi Mais Ağayevin sözlərinə görə, bir müddət əvvəl strat verilən işlər yaxın vaxtda başa çatacaq.
Qeyd edək ki, bu layihə başa çatdıqdan sonra ''20-Yanvar'' dairəsi ətrafındakı sıxlığa səbəb olan konfilikt və ləngimə nöqtələrinin aradan qaldırılacağı ehtimal edilir.

Xəbərdən istifadə edərkən istinad etmək vacibdir.