Fevralın 25-da Sumqayıt şəhərində Xocalı qurbanlarına ucaldılan abidənin qarşısında Xocalı soyqırımının 25-ci ildönümünə həsr olunmuş anım mərasimi keçirilib.
 Sumqayıt Şəhər İcra Hakimiyyəti tərəfindən hazırlanmış tədbirlər planına uyğun olaraq şəhərin idarə və təşkilatlarında, orta və ali məktəblərində faciə ilə bağlı sərgilər və müxtəlif tədbirlər, mədəniyyət müəssisələrində faciənin ildönümü ilə bağlı xatirə gecələri, foto və rəsm sərgiləri, şahidlərlə görüşlər təşkil olunub.
Sumqayıt şəhər İcra hakimiyyətinin başçısı Zakir Fərəcov, hüquq mühafizə orqanlarının, sənaye müəssisələrinin, təşkilat və idarələrin rəhbərləri, habelə Sumqayıt ictimaiyyətinin nümayəndələri ümumxalq hüzn günü Xocalı soyqırımının qurbanlarının xatirəsinin anım mərasimində iştirak ediblər. 

Xəbərdən istifadə edərkən istinad etmək vacibdir.