Fevralın 20-də prezident İlham Əliyev "Azərbaycan Respublikasına turist axının sürətləndirilməsi” ilə bağlı əlavə tədbirlər haqqında sərəncam imzalayıb. Xeberle.com olaraq bu məsələylə bağlı öz fikirlərini bölüşən əməkdar jurnalist Faiq Hüsiyevlə əlaqə saxladıq. Yazıda qeyd olunan Neptun festivalı ilə bağlı sualımıza  müsahibimiz bildirdi ki, bir çox dənizsahilli ölkələrin əksəriyyətində dəniz mövsümü açılanda bu tipli festifallar həyata keçirilir. Sovet dövründə bu festival Sumqayıtda 3 il - 1986,1987, 1988 -ci illərdə  qüvvədə olub.
Yazıda Saymonov buxtasının çirkli olması, ilboyu küləkli hava, eyni zamanda Türkmənistanda mehmanxanaların bahalığından bəhs edən Faiq Hüsiyev Sumqayıtda yüksək səviyyəli mehmanxanaların olmaması, Bakıda ətraf mühitin çirklənməsi, mehmanxanaların qiymət etibarı ilə bahalığı və bu kimi problemlərin fonunda turist axınının hansı səviyyədə olması ilə bağlı sualımızı bu cür cavablandırdı:
Hal-hazırda mən deyərdim ki, ölkəmizə turist axınının qarşısını alacaq problemlər çox aşağı səviyyədədir. Və unutmayaq ki, Sumqayıt Xəzərin düz sahil xətdində yerləşir. Və şəhərimizdə o qədər də çirkli hava şəraiti yoxdur. Məqsədyönlü şəkildə proqram işləməklə şəhərimizə turist axınını daha da yüksək şəkildə cəlb etmək mümkündür. Yüksək səviyyəli otellərin şəhərimizdə yaradılmasında Gürcüstanın "Batumi təcrübəsi" köməymizə gələ bilər. Bu təcrübəyə əsasən vətəndaşlar yaradılmış şəraitə uyğun özləri mini otellər yaratmaq gücündədirlər. Həmçinin mövcud otelin də bazasından istifadə edə bilərik. Yeni tikilən binaların da  bir neçəsini otel etmək mümkündür. Sadəcə bu işdə əsas odur ki istək və maraq olsun.

Xəbərdən istifadə edərkən istinad etmək vacibdir.