1 mart - Ümumdünya Mülki Müdafiə Günü" münasibəti ilə Sumqayıt şəhər 9 nömrəli məktəbdə tədbir keçirilib. Tədbirdə Sumqayıt şəhər İcra Hakimiyyəti Başçısının müavini Teymur Səmədov, Sumqayıt şəhər Təhsil Şöbəsinin müdiri Nizami Namazov, Sumqayıt şəhər Regional Mülki Müdafiəsinin Şöbə rəisi Emil Əliyev və Qızıl Aypara Cəmiyyətinin regional nümayəndəliyinin rəhbəri Mətanət Məhərrəmova iştirak ediblər.  
Məktəbin direktoru Bəhruz Səlimxanov qonaqları salamlayaraq tədbirin məqsədi barədə məlumat verib. Bildirib ki, əsas məqsəd əhalinin və şagirdlərin diqqətini fövqəladə hallar zamanı davranış qaydalarının mənimsənilməsinə yönəltmək, fərdi mühafizə vasitələrindən istifadə, kollektiv mühafizə qurğularında daldalanmaq qaydalarını nəzəri və əməli cəhətdən öyrətməkdir.
Çıxışlarda əhalinin mülki müdafiə sahəsində biliklərini daim diqqət mərkəzində saxlamaq, xüsusilə də müəllim kollektivinin mülki müdafiə işinin təşkilini, onun məramını, eləcə də fövqəladə hallar zamanı davranış qaydalarını bilmələri və bu bilikləri mütəmadi olaraq şagirdlərə aşılamalarının vacibliyi ön plana çəkilib.

Xəbərdən istifadə edərkən istinad etmək vacibdir.