Abşeron rayon Təmir-Abadlıq İdarəsi Bakı-Sumqayıt və Bakı-Şamaxı yolunun rayon ərazisindən keçən hissəsinin təmir-bərpa işlərini aparır. Hazırda Masazır dairəsində yolun genişləndirilməsi və səkilərin düzəldilməsi işləri görülür, qeyri-qanuni tikililər sökülür.
Xeberle.com xəbər verir ki, İcra hakimiyyətindən AZƏRTAC–a bildirilib ki, işləri vaxtında və keyfiyyətli görmək məqsədilə tədbirlər planı hazırlanıb.
Bakı-Şamaxı yolunun Sulutəpə qəsəbəsi ilə Abşeron rayonu ərazisində tikilməkdə olan piyada keçidi yaxın günlərdə istifadəyə veriləcək. Hökməli dairəsi istiqamətində də səkilər düzəldilir, yol təmir olunur.
Sürücülərin bu yoldan intensiv istifadəsi, piyada keçidinin olmaması haqlı olaraq vətəndaşlar tərəfindən narazılıqla qarşılanır, avtonəqliyyat vasitələrinin təhlükəsiz hərəkətində problemlərə gətirib çıxarırdı. Yolların təmir-bərpası bu narazılıqlara son qoyacaq.
Xəbərdən istifadə edərkən istinad etmək vacibdir.
