Sumqayıtda "İdeal” Korreksiya və İnkişaf Mərkəzinin, "Vəfa” Sosial Problemlərə Dəstək İctimai Birliyinin və "Ekologiya və Təbiətin Qorunması üzrə Maarifləndirmə” İctimai Birliyinin təşkilatçılığı ilə "Dünya Autizm Maarifləndirmə Günüdür” mövzusunda tədbir keçirilib.
Tədbirdə çıxış edən "İdeal” Korreksiya və İnkişaf Mərkəzinin rəhbəri Könül Əhmədova bildirib ki, keçirilən tədbirin əsas qayəsi cəmiyyətə autizmin bir xəstəlik deyil, sindrom olduğunu, bundan əziyyət çəkən uşaqların sevgi ilə əhatələnməsinin vacib olduğunu çatdırmaqdır.
K. Əhmədova autizmli uşaqların sevgi ilə əhatələnməsinin onların reabilitasiya və cəmiyyətə inteqrasiyası prosesindəki önəmindən bəhs edib.
Qeyd olunub ki, uşaqların sosial sferada nitq və zehni inkişafdan geri qalmaqla özünü göstərən bir spektr pozuntusudur.
Digər çıxış edənlər də əhali arasında autizm haqqında maarifləndirməni artırmaq və autizmli insanların həyat keyfiyyətinin yaxşılaşdırılmasına kömək etməyin vacib olduğunu vurğulayıblar.
Tədbir uşaqlar üçün nəzərdə tutulmuş əyləncəli hissəsi ilə davam etdirilib.
Autizm sindromlu uşaqların valideynləri göstərdikləri dəstəyə görə "İdeal” Korreksiya və İnkişaf Mərkəzinə təşəkkür ediblər.
Xəbərdən istifadə edərkən istinad etmək vacibdir.
