İstifadəçilər internet bağlantısı olmadıqda belə İnstaqram tətbiqini istifadə edə biləcək və hazırkı məzmun, profil və bildirişləri görə biləcəklər.

 

Xeberle.com-un Haberler.com-a istinadən verdiyi məlumata görə bu, yalnız Android cihazlardan istifadə edənlər üçün tətbiq ediləcək. İnternetsiz istifadə hələ ki, İOS-a tətbiq olunmur. Ancaq yaxın günlərdə İOS platformasında da internet bağlantısı olmadan İnstaqram istifadə etmək mümkün olacaq.

 

İstifadəçilər internet bağlantısı olmasa da əvvəlcədən yüklənmiş olan fotoları İnstagramda görə bilərlər. Fotoları bəyənmək, şərh etmək və ya qeyd etmək də mümkün olacaq. Həmçinin internet olmadan insanları təqibdən çıxarmaq da mümkündür. Aparılan bütün əməliyyatlar yeni bir internet bağlantısına malik olana qədər gizli yerdə saxlanılacaq, sonra isə aparılan əməliyyatlar İnstaqram serverləri ilə sinxronizasiya ediləcək. Oxşar təkmilləşdirmələr daha əvvəl Facebook üçün də aparılmış, dərhal sonra Facebook Lite versiyası istifadəçilərə təqdim olunmuşdu.

 

Görünür artıq Facebook İnstagrama keçmişə nisbətən daha çox önəm verir. Bunun ən mühüm səbəbi isə artan istifadəçi sayıdır.

Hazırda İnstagramın aylıq aktiv istifadəçi sayı 600 milyonu keçib.