Xeberle.com-un məlumatına görə, maliyyə yardımı alacaq təşkilatlar sırasında fəaliyyətini əsasən Sumqayıtda quran III sektorun nümayəndələri də var. Belə ki, "Sağlam Düşüncə” Gənclər Təşkilatının "Tüstüsüz cəmiyyət” layihəsinə və "Sumqayıt Tələbələri” İctimai Birliyinin "Region gənclərinin turizmin inkişafında rolunun artırılması” layihələrinin hər birinə 6000 AZN vəsait ayrılıb. "Vətəndaş Cəmiyyətinin İnkişafına Dəstək Gənclərin İctimai Birliyi” də maliyyə yardımı alan təşkilatlar sırasındadır. Şura Birliyin "Sabahın sahibkarları” layihəsinə 7000 AZN ayıqmağa qərar verib. "Azəri Gənclər Alyansı” İctimai Birliyi də ayrılan maliyyə yardımından yararlana biləcək. Sözügedən təşkilat 6500 AZN vəsaitlə "Peşəm gələcəyimin təminatıdır!” layihəsini həyata keçirəcək. "Elm” Gənclərin Sosial-İntellektual İnkişafına Dəstək İctimai Birliyinin də "Prezident turniri” intellektual yarışı layihəsi müsabiqədən kənarda qalmayıb. Birliyin bu layihəsinə 3500 AZN ayırılıb.

Fərdi layihələrdə də bir sıra Sumqayıt gənclərinə vəsait ayrılıb. Onlar aşağıda adları çəkilən gənclərdir:

1.Ələkbərov Həbibulla Ağadadaş oğlu, "İstedaddır gələcək!” layihəsi, ayrılan vəsait 2000 AZN

2.Əliyev Urfan Əliağa oğlu, "Təbiətin gənc mühafizəkarları” layihəsi, ayrılan vəsait 2100 AZN

3.Əsədova Səma Səyyaf qızı, "Sağlam gənclik formalaşdıraq!” layihəsi, ayrılan vəsait 2000 AZN

4.İbrahimova Alidə Ramiz qızı, "Öz peşəni seç!” layihəsi, ayrılan vəsait 2200 AZN

Qeyd edək ki, ümumilikdə layihələrin icrasına 37300 manat vəsait ayrılıb.

Xeberle.com