"Bu ilin 8 ayı ərzində azyaşlı uşaqların iştirakı ilə baş verən qəzalarda 35 nəfər həlak olub, 139 nəfər yaralanıb”. Bu barədə Baş Dövlət Yol Polisi İdarəsinin şöbə rəisi, polkovnik Kamran Əliyev açıqlama verib. Onun sözlərində görə, ölən 35 nəfərin 23-ü məhz piyada olaraq vurulanlardır. Uşaqların əksəriyyəti valideynlərin yanında vurulub: "Çox nadir hallarda olur ki, uşaqlar oynayan zaman yolun hərəkət hissəsinə qaçması nəticəsində avtomobillər tərəfindən vurulur. Ümumilikdə, uşaqların vurulma halları böyüklərə nisbətən azdır”. (Avtosfer.az)