Bura Qubanın Zərqova kəndidir. Qəribə adətlərdən biri kənddə qəbirstanlığın olmamasıdır. Burada hər kəs ölüsünü öz həyətində basdırır. 

Kənd sakinlərinin dediyinə görə, bu ənənənin  tarixi XIII əsrdən başlayıb. Belə ki, həmin dövrdə bu ərazidə müxtəlif tayfalar məskunlaşıb. Həmin tayfaların isə hərəsinin öz qəbistanlığı olub. Hər tayfa dünyadan gedən qohumunu öz qəbistanlğında basdırıb. Bu ənənə indiyə kimi davam edir.

Zərqovada həmin tayfaların varisi olan 20-dən artıq nəsil yaşayır. Hər nəsilin isə öz qəbirstanlığı var. Qəbirstanlıqlar həyətyanı sahələrdə yerləşir.

Qədim tarixə malik Zərqova kəndinin 1200 nəfərə qədər əhalisi var.