Sumqayıtda Abdulla Şaiq adına 39 nömrəli  uşaq bağçasında 9 noyabr Dövlət bayrağı günü ilə əlaqədar bayram tədbiri baş tutub. Körpə fidanların ifasında rəngarəng bayram proqramı təqdim olunub.Tədbirdə həmçinin  şeir müsabiqəsi keçirilib.
Xeberle.com-a açıqlama verən bağçanın müdiri Esmira Musayeva bildirib ki, hər il tədris planına uyğun olaraq  müxtəlif tədbirlər keçiririk.
"Bu il bayraq gününü fərqli olaraq qeyd etdik. Tədbirdə əsasən orta, məktəbə hazırlıq yaşında olan uşaqlar Azərbaycan torpağı, bayrağı haqqında azərbaycan, rus dilində müxtəlif  şeirlər söyləyib, mahnılar oxuyub, rəqs etdilər. Onların arasından ən yaxşı şeir deyənləri isə münsiflər seçərək  sertifikat verəcəklər".

Xəbərdən istifadə edərkən istinad etmək vacibdir.