Azərbaycan Respublikasının Prezidenti yanında Gənclər Fondunun maliyyə dəstəyi ilə həyata keçirilən "Tarix keçmişi silmir!” layihəsinin növbəti tədbiri 08 noyabr 2017 ci il, saat 11:00 tarixində Binəqədi Gənclər Evində həyata keçirilmişdir.

Tədbirə təlimçi olaraq ehtiyyatda olan palkovnik - leytenant, I Qarabağ müharibəsinin iştirakçısı Musayev Şura dəvət olunmuşdur. Layihənin fəaliyyəti ilə Azərbaycan Qarabağ Müharibəsi Əlilləri, Veteranları və Şəhid Ailələri İctimai Birliyinin Binəqədi rayon filialının sədri Qayıbzadə İlham yaxından iştirak edərək öz dəstəyini göstərmişdir . Tədbir 2 hissədən ibarət olaraq həyata keçirilmişdir. Fasilə zamanı tədbir iştirakçılarına şirniyyat ilə çay stolu təşkil edilmişdir.Tədbirdə "Tarix keçmişi silmir!” layihəsinin təşkilati dəstəyini həyata keçirən Azərbaycan QMƏVŞAİB –in əməkdaşları da iştirak etmişdir. Tədbir fəaliyyəti foto- video materiallarla qeydə alınmışdır.

Tədbirin davamı 14,15 noyabr 2017 – ci il, saat 11:00 tarixlərində Binəqədi Gənclər Evində həyata keçiriləcəkdir.

14,15 noyabr 2017 – ci il , saat 11:00 tarixlərində həyata keçiriləcək tədbirdə iştirak etmək istəyənlər [email protected] elektron ünvanı ilə əlaqə saxlaya bilərlər.