Bu barədə Xeberle.com-a onun atası Mikayıl İsrafilov məlumat verib.

M. İsrafilov deyib ki, oğlu noyabrın 14-də 10:30 radələrində evdən çıxıb və bu günədək evə qayıtmayıb:

"Oğlum bir az əsəbidir. Evdən çıxmadığı gündən qabaq ona acıqlanmışdım. Elə deyirdi ki, evdə darıxıram. Ona görə onu tort bişirilən mağazada işə düzəltmişdim. Demişdim ki, hələ ki burada işlə səni 5-10 günə sexə işə düzəldəcəm. Bir gün işləyəndən sonra dedi ki, burada pul söhbəti var başım çıxmır. Həm də demişdilər ki, işdən axşam saat 1-də çıx, o da deyirdi ki, Saray kəndinə gecə necə qayıdacam. Buna görə də işdən çıxmışdı. Daha sonra gəlib dedilər ki, Saray Petrolda iş var. Əvvəlcə razı olmuşdu, sonra deyiblər ki, saçının yuxarısını götür. Bu da deyib ki, saçımı kəsdirmirəm mən. Axşam evə gələndə danladım onu. Dedim ki, evin yanındadır, yeməyi günorta elə evdə yeyərsən. Yaxşı işdir. Ayın 14-də isə səhər saatlarında evdən çıxıb və bir daha geri qayıtmayıb.”

Polisə məlumat verdiyini deyən ata həmçinin bildirib ki, oğlunu ötən gecə Sumqayıt şəhərində 10-cu mikrorayon ərazisində görüblər: "Bir qız var ki, onunla bacı-qardaş kimidirlər, onun yanına gedəndə qız deyib ki, səni polislər axtarır, o da qaçıb. Bundan qabaq o qız 2 gün onu evdə saxlayıb. Pulu qurtardığı üçün telefonun da satıb. Axrıncı dəfə mənə, eləcə də anasına demişdi ki söz deməyin yoxsa çıxıb gedəcəm. Anasına da bu gün taksi sürücüsü deyib ki, mən onu 10-cu mikrorayonda görmüşəm."

Fotodakı şəxsi görənlərdən aşağıdakı nömrə ilə əlaqə saxlamaları xahiş olunur:

Telefon: 050-326-14-29 (Mikayıl İsrafilov)

Hicranə İsmayılova

Xeberle.com