Milli Məclisdə Azərbaycanda ingilis dilində televiziya kanalının yaradılması təklif edilib.
Xeberle.com APA-ya istinadən məlumatına görə, deputat Qüdrət Həsənquliyev bildirib ki, Ukraynada, Qazaxıstanda və digər postsovet ölkələrində artıq sırf ingilis dilli kanal var.
O, gələn ilin dövlət büdcə layihəsində Azərbaycan Dövlət Televiziyasına 32, İctimai Televiziyaya isə 12 milyon manat ayrılmasına da etiraz edib: "Havayı yerə bu kanallara büdcədən bu qədər pulun ayrılması nəyə lazımdır? Bunlara ayrılan vəsaitləri sırf ingilis dilli kanalın yaradılmasına yönəltmək lazımdır. Biz gələn il milyonlarla pul sərf edərək turistlərin cəlb edilməsini nəzərdə tutmuşuq. Bunun üçün informasiya təbliğatımız yetərlimidir? Xeyr. Ona görə də belə bir kanalın açılması zəruridir”.
Xəbərdən istifadə edərkən istinad etmək vacibdir.
