
"Azad Həmfikirlər” Gənclərin Maarifləndirilməsi İctimai Birliyi, Azərbaycan Respublikası Prezidenti yanında Gənclər Fondunun maliyyə dəstəyilə "Regionlarda yaşayan gənclər arasında sağlam həyat tərzinin təbliği” adlı layihə çərçivəsində Göyçay, İsmayıllı və Zərdab rayonlarında maarifləndirici tədbirlər həyata keçirib.
Tədbirlərdə gənclər arasında məhsuldar əmək, əməyin və istirahətin rasional rejimi, zərərli adətlərin aradan qaldırılması,optimal hərəkət rejimi, şəxsi gigiyena, möhkəmlənmə, rasional qidalanmanın təblığı, gənclərdə zərərli vərdişlərdən uzaq sağlam həyat tərzinin normal daimi həyat tərzi olmasına çevrilməsinə kömək etmək, regionlarda narkomaniya və HİV-lə mübarizənin gücləndirilməsinə kömək etmək,
narkotiklərdən istifadə hallarına qarşı etinasızlığın aradan qaldırılmasına kömək etmək, məcburi testləşdirmə ilə bağlı qanun layihəsinin hazırlanması və təbliğ edilməsi kimi mövzularda söhbətlər aparılıb.
Həmçinin, "Biz sağlam həyat tərzini seçirik” adlı maarifləndirici video çarx nümayiş olunub.
Tədbirlərdə "Azad Həmfikirlər” Gənclərin Maarifləndirilməsi İctimai Birliyinin sədri Samirə Mustafayeva, ekspertlər Mətanət Əsgərova, Zülfiyyə Nuriyeva, regionların İcra Hakimiyyətlərinin səlahiyyətli nümayəndələri çıxışlar ediblər.
Ümumiyyətlə tədbirlərdə 150-dən çox gənc iştirak edib.
Bununla da Azərbaycan Respublikası Prezidenti yanında Gənclər Fondunun maliyyə dəstəyilə"Regionlarda yaşayan gənclər arasında sağlam həyat tərzinin təbliği” adlı layihə başa çatıb.
Xəbərdən istifadə edərkən istinad etmək vacibdir.