Ölkəmizdə hər il yüzlərlə kimsəsiz
insan dünyasını dəyişir. Bu insanlar kimsəsiz olduqlarına görə, çox vaxt "Kimsəsizlər
qəbiristanlığı” adlanan qəbirstanlıqlarda dəfn olunurlar.
Bəs Sumqayıtda kimsəsiz
insanlar harada və necə basdırılırlar? Ümumiyyətlə şəhərimizdə "Kimsəsizlər qəbiristanlığı”
varmı?
Xeberle.com olaraq suallarımıza cavab
tapmaq üçün Sumqayıt şəhər Vətəndaşlara Xidmət İdarəsinin rəisi Feyruz Əsədov
ilə əlaqə saxladıq. F.Əsədov bildirdi ki, şəhərimizdə kimsəsiz insanlar üçün
xüsusi bir yer yoxdur, onlar elə Sumqayıt şəhər Qəbiristanlığında dəfn edilir:
"Kimsəsizlər şəhərimizin qəbiristanlığında, digərləri kimi, islam dininin
qaydalarına uyğun olaraq dəfn olunurlar. Şəhərimizdə kimsəsiz insanların sayı
çox az olduğuna görə, onların siyahısını aparmırıq. Bu insanların əksəriyyəti əsasən
ruslar olur, nadir hallarda onların içərisində azərbaycanlılara rast gəlinir."
Feyruz Əsədovun həmçinin onu da qeyd
etdi ki, şəhərimizdə dəfn olunan kimsəsiz insanlar içərisində uşaqlar yoxdur.
Elnarə Salamova
Xeberle.com
Xəbərdən istifadə edərkən istinad etmək vacibdir.
