"Saytınızda 29 yanvar 2018-ci il tarixli "Sumqayıtda 13 yaşlı qızı ərə
verdilər, 14 yaşlını isə... - DƏHŞƏTLİ FAKTLAR" sərlövhəsi ilə dərc olunan yazıda qeyd olunan məsələlərlə
bağlı Daxili İşlər Nazirliyinin göstərişi ilə Sumqayıt şəhər Polisi İdarəsində dərhal araşdırma aparılıb və belə bir
faktın ümumiyyətlə olmadığı məlum olub."
Bu
sözləri Xeberle.com-a açıqlamasında DİN-in Mətbuat xidmətinin rəhbəri Ehsan
Zahidov deyib. E. Zahidovun sözlərinə görə, belə açıqlama ilə çıxış edən "Qadın təşəbbüsü və sosial problemlərin
həllinə yardım” İctimai Birliyinin sədri Zenfira Mustafayeva Sumqayıt şəhər
Polis İdarəsinə dəvət olunub və onunla yazıda qeyd olunan məsələlərlə bağlı
söhbət aparılıb: "Z. Mustafayeva ilə aparılan söhbət zamanı məlum olub
ki, onda Sumqayıt şəhərində 13 və 14 yaşlı qızların ərə verilməsi ilə bağlı
konkret faktlar yoxdur. O, bildirib ki, sayta verdiyi açıqlamanı eşitdiklərinə əsasən
söyləyib. Z. Mustafayeva peşman olduğunu və bir daha belə hallara yol verməyəcəyinə söz verib. Buna baxmayaraq Sumqayıt şəhər Polis İdarəsində araşdırma aparılır."
Xatırladaq
ki, saytımızda ötən gün "Sumqayıtda 13 yaşlı qızı ərə verdilər, 14 yaşlını
isə... - DƏHŞƏTLİ FAKTLAR" başlığı altında yazı
dərc olunmuşdu.
Xeberle.com
Xəbərdən istifadə edərkən istinad etmək vacibdir.
