Xeberle.com olaraq araşdırmalarımız nəticəsində məlum oldu ki, Cümhuriyyəti xatırladan obyektlərdən biri 28 May Diyarşünaslıq Evidir. 1977-ci ildən fəaliyyətə başlayan  mədəniyyət evi 1992-ci ilə qədər "Oktyabr" adı ilə tanınıb.  Həmin ildən isə 28 May Diyarşünaslıq Evi kimi fəaliyyətini davam etdirir. Diyarşünaslıq evinin özfəaliyyət qrupları və dərnəkləri də mövcuddur. Bununla yanaşı, xalq teatr kollektivi də fəaliyyət göstərir. "Şahdağ” rəqs qrupu, nağaraçalanlar ansamblı, yeni Sumqayıt ansamblı və s. qruplar şəhərdə keçirilən tədbirlərdə çıxış edirlər. Mədəniyyət evinin özfəaliyyət kollektivləri hərbi hissələrdə, orta ümumtəhsil məktəblərində maraqlı proqramlarla çıxış edirlər.

 

Sumqayıt şəhər MKS-nin M.Ə. Rəsulzadə adına 2 saylı kitabxana-filialı 1968-ci ildən fəaliyyət göstərir. 1991-ci ildən Cümhuriyyətin banisi M.Ə. Rəsulzadənin adını daşıyır. Fəaliyyətini 3, 14, 15, 25 saylı məktəblərlə və Sumqayıtın Tarixi Muzeyi ilə əlaqəli qurub.  Kitabxanada kompüterləşdirilmiş infrastruktur,  oxucuların internetdən sərbəst istifadəsi üçün ödənişsiz WI-FI zonası yaradılıb, kitabxana kompüter, printer və digər avadanlıqlarla təchiz olunub.