FHN-in Sumqayıt Regional Mərkəzinin təsdiq olunmuş tədbirlər planına əsasən, Sumqayit Şəhər İcra Hakimiyyəti ilə birgə Sumqayıt şəhər İdrak liseyində "1 Mart - Ümumdünya Mülki Müdafiə Günü”nə həsr olunmuş tədbir keçirmişdir.
Fövqəladə Hallar Nazirliyinin Sumqayıt Regional Mərkəzinin təsdiq olunmuş tədbirlər planına əsasən, Sumqayit Şəhər İcra Hakimiyyəti ilə birgə 1 mart 2018-cı il tarixində Sumqayıt şəhər İdrak liseyində "1 Mart - Ümumdünya Mülki Müdafiə Günü”nə həsr olunmuş tədbir keçirmişdir.
Tədbirdə Sumqayıt Regional Mərkəzinin, Sumqayıt şəhər Dövlət Yanğından Mühafizə İdarəsinin, Sumqayıt şəhər Polis İdarəsinin Post-Patrul Xidmətinin, Sumqayıt şəhər Təcili Tibbi Yardım Stansiyasının, Qızıl Aypara Cəmiyyətinin Sumqayıt bölməsinin, məktəbin müəllim və şagirdləri iştirak etmişlər.
Əvvəlcə, praktiki məşğələyə start verilmişdir. Məşğələ zamanı şərti olaraq binaya daxil olan şübhəli şəxslər Sumqayıt şəhər Polis İdarəsinin Post-Patrul Xidmətinin əməkdaşları tərəfindən saxlanılmışdır. Sumqayıt şəhər Dövlət Yanğından Mühafizə İdarəsinin əməkdaşları tərəfindən liseyin 2-ci korpusunda baş verən yanğın lokallaşdırılaraq söndürülmüşdür. Həmçinin şərti olaraq olaraq baş vermiş zəlzələ zamanı müəllim və şagird heyətinin təxliyəsi və köçürülməsi həyata keçirilmişdir. Xəsarət alanlar Sumqayıt Regional Mərkəzinin Xüsusi xilasetmə hissəsinin xilasediciləri tərəfindən dağıntılar altından çıxarılmışlar. Şərti zərərçəkənlərə isə Qızıl Aypara Cəmiyyətinin Sumqayıt bölməsinin əməkdaşları tərəfindən ilkin tibbi yardım göstərildikdən sonra Sumqayıt şəhər Təcili Tibbi Yardım Stansiyasının əməkdaşlarına təhvil verilmişdir.
Sonra tədbir iştirakçıları liseyin foesində mülki müdafiə gününə həsr olunan sərgiyə baxış keçirmişlər. Həmçinin tədbirdə mülki müdafiə gününə həsr olunan "açıq dərs"lər keçirilmişdir. Dərslərdə şagirdlər zəlzələlər, torpaq sürüşmələri, qaz partlamaları, vulkanlar, yanğınlar və s. mövzularda öz biliklərini ifadə etmişlər.
Sonda məktəbin akt zalında Fövqəladə Hallar Nazirliyinin fəaliyyət istiqamətləri və qurumları haqqında sənədli film nümayiş olunmuşdur.
FHN Sumqayıt Regional Mərkəzin
İctimaiyyətlə əlaqə və təbliğat sektoru
Xəbərdən istifadə edərkən istinad etmək vacibdir.