Xəbər verdiyimiz kimi, Ekologiya və Təbii Sərvətlər Nazirliyinin təşəbbüsü ilə istirahət parklarında plastik tullantılar üçün konteynerlər yerləşdirilib.
"Tullantıları çeşidləyək–təbiəti qoruyaq!” şüarı ilə yerləşdirilən bu konteynerlərdən biri də hazırda Sumqayıt şəhər Kimyaçılar Parkının qarşısında qoyulub.
Sumqayıt şəhər 4 saylı Ərazi Ekologiya və Təbii Sərvətlər Şöbəsinin ətraf mühitin monitorinqi və ekoloji təbliğat sektorunun müdiri Asəf Bayramov Xeberle.com-a bildirdi ki, yaxın günlərdə sözügedən konteynerlərin əhalinin sıx olduğu ərazilərdə yerləşdirilməsi nəzərdə tutulub:
"Konteynerlərin yaxın günlərdə əhalinin sıx olduğu ərazilərdə, Sumqayıt Bulvarı, Nəsimi adına park, Nizami Gəncəvinin heykəli ətrafı və avtovağzal ərazisində yerləşdirilməsi planlaşdırılıb”.
Elnarə Salamova
Xeberle.com
Xəbərdən istifadə edərkən istinad etmək vacibdir.
