Sumqayıt şəhər sakini, övladları tərəfindən evindən qovulan 70 yaşlı Quliyev Yaşar Bəhlul oğlu artıq Əmək və Əhalinin Sosial Müdafiəsi Nazirliyinin Pensiya yaşına çatmış şəxslər üçün sosial xidmət müəssisəsinə- Qocalar evinə yerləşdirilib.
Xeberle.com A24.Az-a istinadən xəbər verir ki, yaxın günlərdə həmin şəxsin ağladığı video sosial mediada gündəm olmuşdu.
Belə ki, Son günlər bəzi mətbuat orqanlarında və sosial şəbəkələrdə Y.Quliyevin Qocalar evinə qəbul edilmədiyi iddia edilirdi.
Nazirlikdən verilən məlumata görə onun həmin müəssisəyə müraciət etmədiyi müəyyən olunub. Nazirlik əməkdaşları həmin videodan sonra Y.Quliyevin olduğu yeri taparaq, onu Pensiya yaşına çatmış şəxslər üçün sosial xidmət müəssisəsində hər bir şəraiti, məişət avadanlıqları olan otaqla təmin ediblər.
Bundan sonra o, Qocalar Evində tam dövlət himayəsində rahat şəraitdə yaşayacaq.
Xəbərdən istifadə edərkən istinad etmək vacibdir.
