Bu gün Azərbaycanda fəaliyyət göstərən otellərdə qiymətlər xidmət səviyyəsindən asılı olmayaraq kifayət qədər bahadır. “Azərbaycanda otel biznesi üçün kadrların yetişdirilməsində çox böyük irəliləyişlər var. Əvvəllər yalnız peşə məktəbi bu işlə məşğul olurdusa, artıq son 10 ildə “Qəbələ” turizm peşə məktəbi, “İsmayıllı” turizm liseyi, “Mingəçevir” turizm kolleci, 2006-cı ildə açılan Azərbaycan Turizm İnstitutu, “Bakı” turizm peşə məktəbi Azərbaycanda turizm binesi üçün kadrların hazırlanmasında mühüm rol oynayır. Bundan əlavə, BDU-da, Qərb Universitetində, Humanitar kollecdə, Qida kollecində də turizm kafedraları fəaliyyət göstərir ki, bunlar da kadrların hazırlanmasında mühüm rol oynayır. 

Eyni zamanda müxtəlif otellərdə treninqlər keçirilir. Öz şəbəkə sisteminə malik olan 5 ulduzlu otellərdə kadrlar şöbəsi daxilində treninqlər üzrə işçi olur. Onlar da mütəmadi olaraq tereninqlər keçirirlər. Son illər otel biznesi üzrə ədəbiyyatların sayı artır. Turizm üzrə məqalələr yazılır. Elmi tədqiqat turizm jurnalı fəaliyyətə başlayıb. Bunu Modern.az saytına Azərbaycan Turizm Assosiasiyası sədrinin müşaviri Müzəffər Ağakərimov Azərbayycanda fəaliyyət göstərən otellər  haqqında danışarkən deyib.  

“Ulduzlar” necə müəyyən edilir 

Dünya ölkələrinə nəzər salsaq görərik ki, Böyük Britaniyada “Tac” sistemi, Amerikada “Brilliant”, Yunanıstanda “Hərif” sistemi və digər sistemlər də fəaliyyət göstərir. Azərbaycanda Avropadakına uyğun olaraq “Ulduz”sistemidir. Ekkspertin sözlərinə görə, “Ulduz” sistemi ilk dəfə Fransada tətbiq olunub, sonradan Avropa sistemi adı ilə fəaliyyətə başlayıb: “5 ulduzlu sistem olduğuna görə, burada meyarlar otelin xidmətindəki keyfiyyət məsələsi, konfort, avadanlıq və s. ilə ölçülür. Bundan əlavə, ulduzlarda xidmət sahəsinin kadrlarda peşəkarlığı da öz əksini tapır. 2014-cü ilin yanvar ayında Mədəniyyət və Turizm Nazirliyinin otellər üzrə yeni standartı təsdiq olunub. Orada xidmət səviyyəsində hansı  meyarların lazım olduğu göstərilir. O meyarlara uyğun ulduzlar verilir. Təbii, bəzən 4- 5 ulduzlu oteldə də xidmətin səviyyəsi ulduza müvafiq olmur. Belə olan təqdirdə otelin nüfuzu aşağı düşür. Həmin ulduz onların əlindən alına bilər. Hər bir ulduz öz səvviyyəsinə uyğun xidmət göstərməlidir”.

M.Ağakərimov deyib ki, bu yaxınlarda Əmək və Əhalinin Sosial Müdafiəsi Nazirliyi ilə birgə Azərbaycan Turizm Assososiyasının ekspertlərinin iştirakı ilə  turizm və otel biznesinə aid 33 peşə standartı hazırlanıb: “Bu Avropa standartlarına uyğundur. Standartlar gələcəkdə bu sahədə çalışan işçilərə, həmçinin fəaliyyət göstərən təşkilatlara çox yüksək səviyədə kömək göstərə bilər”.

Otellərə lisenziya necə verilir? 

Assosiasiyanın müşaviri bildirib ki, lisenziya almaq istəyən otellər müvafiq sənədləri hazırlayıb (Səhiyyə Nazirliyindən sanitar-epidemoloji vəziyyət, Fövqəladə Hallar Nazirliyindən, icra hakimiyyətindən təsdiq olunmuş sənəd və s.) Mədəniyyət və Turizm Nazirliyinə təqdim edir: “Otellərdə monitorinqlər aparıldıqdan sonra onlara 5 il müddətinə lisenziya verilir. Ümumiyyətlə, respublikada 530-a yaxın otel fəaliyyət göstərir. Onların bir çoxu hələ də lisenziyasızdır. Mən tövsiyə edərdim ki, bu otellər lisenziya alsın. İnsanlara daha yüksək xidmət göstərsinlər. Çünki lisenziyası olan otel artıq məsuliyyət hiss edir. Dəfələrlə xəbərdarlıq edilməsinə baxmayaraq, hələ də qanunsuz fəaliyyət göstərən otellər var”. M.Ağakərimovun sözlərinə görə, otellərin böyük əksəriyyəti özəl sektora daxil olduğundan qiymətləri özləri müəyyən edir: “Qiymət siyasəti apararkən həm sahibkarlar, həm də menecerlər buna diqqətlə yanaşmalıdır. Düşünürəm ki, göstərdiyi xidməti tarifə uyğun seçsələr, daha məqsədəuyğun olar. Bəzən elə qiymətlə rastlaşırsan ki, xidmətlə təzadlı olur. Qonşu ölkələrdə 10-20 dollara da qiymətlər var. Əsas qonaqlar İrandan, Türkiyədən gəlir. Həmin ölkələrlə müqayisədə bizdə nömrərlərin qiyməti çox bahadır. Düşünürəm ki, bizdə də qiymətlər ucuzlaşmalıdır. Bəzən nömrələr o qədər baha olur ki, gələn qonaqlar gedib evlərdə qalır. Bu dövlətin maraqlarına da ziddir. Çünki evlərdə qalan zaman vergi ödənilmir. Bizdə otellər əsasən 3-4-5 ulduzludur. Nisbi olaraq deyə bilərəm ki, ən ucuz nömrə 50 manatdır. Ən baha nömrə 2000 min manat ola bilər. “Prezident”, “Kral”, “Kraliça”, “Quink” nömrələri kifayət qədər bahalıdır. 5 ulduz şəbəkə xidmətinə sahib “Hilton”, “Four seasion”, “Ramada” otellərində isə 2-3 min manatlıq bir nömrələr var. Bu qiymətlər şərtidir. Otelin qiymət strategiyasından asılı olaraq müxtəlif qiymət üsulları var. Bu, həm mövsümi, həm də korporativ üsullardır. Azərbaycan Turizm Assosasiyası olaraq dəfələrlə ucuz qiymətli otellərin açılması təklifini irəli sürmüşük. Ümid edirəm ki, Novruz bayramı ərəfəsində bu reallaşa bilər”.

Paytaxtda fəaliyyət göstərən bir neçə otellə əlaqə saxlayıb qiymətlərlə maraqlandıq.

Apardığımız kiçik anketi sizə təqdim edirik:

QAFQAZ BAKU CİTY HOTEL & RESİDENCES.

Otel 4 ulduzludur. 1 nəfər 120 manat , 2 nəfər 156 manat. Bura səhər yeməyi, internet, fitnes-spa daxildir. 

12 INN BULVAR.

Otel 4 ulduzludur. 1 nəfər 100 manat  , 2 nəfər 113 manat. Bura səhər yeməyi, internet, otaq təmizlənməsi daxildir.  

CASPIAN PALACE HOTEL.

Otel 3 ulduzludur. 1 nəfər 70 manat, 2 nəfər 90 manat ( əgər zaqs vars, zaqs yoxdursa həmin şəxslərə yer yoxdur ). Bura səhər yeməyi, çay, kofe daxildir. 

GRAND HOTEL EUROPE.

Otel 5 ulduzludur. 1 nəfər 100 manat, 2 nəfər 110 manat. Bura yalnız səhər yeməyi daxildir. 

HOLIDAY INN BAKI AIRPORT.

Otel 5 ulduzludur.

1 nəfər 199, 2 nəfər 220 manat. Bura yalnız otaqda qalmaq daxildir.

HYATT REGENCY BAKI.

Otel 5 ulduzludur.

1 nəfər 170 manat, 2 nəfər 190 manat. Yalnız otaq qiyməti daxildir.

SHAH PALACE.

Otel ulduzsuzdur. 11 nəfər 130 manat, 2 nəfər 150 manat. Lüks dairə 190 manat. Bura səhər yeməyii, internet, fitnes daxildir.

ABU ARENA.

4 ulduzludur. 1 nəfər 60 manat, 2 nəfər 70 manat. Bura yalnız səhər yeməyi daxildir.