Şəhidin yaxınları, döyüş yoldaşları M. Məmmədovun Sumqayıt Şəhidlər Xiyabanında məzarını ziyarət ediblər.

Mərasimdə çıxış edənlər bildiriblər ki, torpaqlarımızın qorunması, vətənimizin müdafiəsi uğrunda canından, qanından keçərək şəhidlik zirvəsinə ucalmaq ən böyük şərəf və qürurdur. Şəhidlik zirvəsinə ucalanların xatirəsini yaşatmaq, onları gəncliyə nümunə göstərməksə, hər kəsin vətəndaşlıq borcudur.

Muradın şərəfli ömür yolundan danışanlar, qəhrəmanların ölmədiklərini, daim qəlblərdə yaşadıqlarını vurğulayıblar.

Qeyd olunub ki, torpaqlarımızın işğalı ilə barışmayan Murad kimi oğullarımız düşməndən qisasını məhz Aprel döyüşlərində aldı. Qanları, canları bahasına, ölümün gözünə dik baxaraq xalqımıza çoxdan həsrətində olduğu zəfər sevincini yaşatdılar.

Xatırladaq ki, Murad Məmmədov ölümündən sonra göstərdiyi qəhrəmanlığa görə Azərbaycan Respublikasının Prezidenti İlham Əliyevin sərəncamı ilə "Hərbi xidmətdə fərqlənməyə görə" III dərəcəli medalı ilə təltif edilib.

Xeberle.com