Ötən gün Bakıda - Sulutəpə ərazisində itin hücumuna məruz qalan azyaşlının vəziyyəti yaxşıdır.
Bu barədə Xeberle.com-un sorğusuna cavab olaraq Səhiyyə Nazirliyindən məlumat verilib.
Bildirilib ki, 1 saylı Kliniki Tibbi Mərkəzə yerləşdirilən uşağın səhhəti qənaətbəxşdir.
"Uşağa vaksinlər vurulub. Hazırda normal palatada müalicəsi davam edir”.
Xatırladaq ki, hadisə Binəqədi rayonu Sulutəpə qəsəbəsində baş verib. Ərazidəki it 2015-ci il təvəllüdlü Məmişov Hüseyn Qismət oğluna hücum edərək yanağını parçalayıb. Həkimlər onun yanağının parçalanmış hissəsini tikərək bərpa edib.
Xəbərdən istifadə edərkən istinad etmək vacibdir.
