Sumqayıt şəhər Gənclər və İdman Baş İdarəsinin və Sumqayıt Gənclər Klubunun birgə təşkilatçılığı ilə "Azərbaycan gəncliyi 2017-2021-ci illərdə” Dövlət Proqramının müvafiq bəndlərinin icrası məqsədilə "Fiziki məhdudiyyətli gənclərin cəmiyyətə adaptasiyası" mövzusunda təlim keçirilmişdir. İlk öncə iştirakçılar təlimçi, Gənclər Klubunun idarə heyətinin üzvü, ictimai-fəal gənc Yusif Əlilinin rol aldığı motivasiya xarakterli qısa metrajlı filmi izləmişlər. Təlimdə fiziki məhdudiyyətli şəxslərlə davranış qaydaları, onların cəmiyyətə adaptasiyası, sosial müdafiəyə ehtiyacı olan gənclərin ictimai-mədəni həyatda iştirakının təmin edilməsi istiqamətində müzakirələr aparılmışdır.

Xəbərdən istifadə edərkən istinad etmək vacibdir.