Sumqayıtda bir
müddət öncə bağlanan 55 nömrəli marşrut xəttinin fəaliyyəti yenidən bərpa
edilib.
Xeberle.com-un məlumatına görə, marşrut xətində olan və istismar müddətini keçmiş avtobuslar müasir və
daha komfortlu geniş avtobuslarla əvəzlənib.
Xatırladaq ki, bir müddət öncə bağlanan marşrut xətti sərnişinlərin
ciddi narazılığına səbəb olmuşdu. Marşrut xəttinin ərazidə fərdi yaşayış evlərinin
sıx tikilməsi və yolların pis vəziyyətdə olduğuna görə bağlandığı bildirilirdi.
Sumqayıt Avtomobil Nəqliyyatı ilə Sərnişindaşıma İdarəsinin rəisi
Tofiq Saydumov Xeberle.com-a çıqlamasında marşrut xəttinin keçdiyi yolların təmir
olunduğunu və xəttin yenidən bərpa olunduğunu təsdiq edib: "Marşrutun
keçdiyi yollar təmir olunub və xəttin yenidən bərpası ilə bağlı qərar qəbul
olunub. Artıq sərnişinlər komfortlu avtobuslardan istifadə edərək mənzilbaşına
çata biləcəklər. Xəttə müasir tipli 3
yeni avtobus buraxılıb və bu avtobuslar 20 dəqiqəlik intervalla fəaliyyət göstərəcək".
Qeyd edək ki, 55 nömrəli marşrut xətti şəhərin mərkəzi bazarından "Xəzər bağları" adlanan yaşayış massivi istiqamətində fəaliyyət göstərir.
Xədicə Səxavətqızı
Xeberle.com
Xəbərdən istifadə edərkən istinad etmək vacibdir.
