Bu gün Mənzil İnşaatı Dövlət Agentliyi (MİDA) Yasamal Yaşayış Kompleksində daha 570 mənzilin güzəştli satışını həyata keçirib.
Xeberle.com-un məlumatına görə, bu barədə şərh verən Azərbaycan İnternet Forumunun prezidenti Osman Gündüz bütün mənzillərin satışna cəmi 1 dəqiqə vaxt sərf olunduğunu deyib:
"MİDA -nın budəfəki onlayn mənzil satışında ilk mənzil seçimi təxminən 12 saniyə çəkdi.
Ötən onlayn satışlarda adətən ilk seçimə 6-7 saniyə sərf olunurdu.
Bu gün, ilk dəfə olaraq tətbiq olunan CAPTCHA texnologiyasına əsasən, iddiaçılar seçim prosesində əlavə olaraq 12 simvolu da sistemə daxil etməliydilər. MİDA bunu robot-seçimlərə qarşı tətbiq edib.
Qərargah üzvləri sistemin normal çalışdığını, kənar müdaxilənin olmadığını bildiriblər”.
Onun sözlərinə görə, 570 mənzilin onlayn satışı təxminən 1 dəqiqə ətrafında başa çatıb. Onlayn satış prosesinə təxminən 3800 iştirakçı qatılıb.
Xəbərdən istifadə edərkən istinad etmək vacibdir.
