Sumqayıt şəhərində uşaqlar arasında aparılan immunoprofilaktika tədbirləri davam etdirilir. Şəhər səhiyyə şöbəsinin təşkilatçılığı ilə keçirilən aksiyanın yüksək səviyyədə başa çatdırılmasını təmin etmək məqsədilə 5 uşaq poliklinikasında həkim briqadaları yaradılıb.
AzərTAc xəbər verir ki, Sumqayıtda yaşayan 98 minə yaxın uşaqdan indiyədək 87 242 nəfəri müayinədən keçirilib.
Müayinələr zamanı xəstəlik aşkarlanan uşaqlar dispanser qeydiyyatına götürülərək Sumqayıt Şəhər Uşaq Xəstəxanasında müalicəyə cəlb olunublar. Ciddi xəstəliyi olan uşaqlar isə müalicə almaq üçün Bakı şəhərinin müxtəlif tibb müəssisələrinə göndəriliblər. Aksiya bu ilin sonunadək davam etdiriləcəkdir.