Yeni Azərbaycan Partiyası (YAP) Sumqayıt şəhər təşkilatının sədri Asif İmaməliyevin rəhbərliyi ilə gənclərlə görüş keçirilib.
Görüşü zamanı Asif İmaməliyev ölkə rəhbərliyi tərəfindən gənclərə göstərilən diqqət və qayğıdan, onlara yaradılan hərtərəfli şəraitdən, geniş imkanlardan, Sumqayıtın ictimai-siyasi həyatında gənclərin geniş fəallığından söhbət açıb və gənclərə öz tövsiyələrini verib. Daha sonra YAP Sumqayıt şəhər Təşkilatı Gənclər Birliyinin sədri Elmar Məmmədov Partiya rəhbərliyinin gənclərin bilik və bacarıqlarının inkişaf etdirilməsi, dünyagörüşünün zənginləşməsi və intellektinin formalaşması istiqamətində həyata keçirilən layihələrdə xüsusi dəstək göstərməsi və YAP Sumqayıt şəhər təşkilatı Gənclər Birliyinin həyata keçirəcəyi layihə və tədbirlər barəsində məlumat verib. Görüşdə Sumqayıt Dövlət Universitetinin Gənclər Birliyinin sədri Səma Əsədova və Gənclər Birliyinin nümayəndələri görülən işlər və gələcək işlər barəsində məlumat vermişlər və gənclərin təklifləri dinlənilib. /SİA/