"ASAN xidmət” mərkəzində yeni xidmət növü fəaliyyət göstərəcək. 
ANS PRESS-in mərkəzin Facebook səhifəsinə istinadən verdiyi məlumata görə, indi 1 saylı Bakı "ASAN xidmət” mərkəzində mərkəzləşdirilmiş bilet satışı köşkü vasitəsilə respublikada təşkil olunan mədəniyyət tədbirlərinin afişası ilə yaxından tanış olmaq və biletləri almaq mümkün olacaq.
Qeyd edək ki, 2012-ci ilin dekabrın 29-da Bakıda Azərbaycan Respublikasının Prezidenti yanında Vətəndaşlara Xidmət və Sosial İnnovasiyalar üzrə Dövlət Agentliyinin və 1 saylı Bakı ASAN xidmət mərkəzinə vətəndaşlar tərəfindən elə ilk gündən maraqla qarşılayıblar.
Mərkəzin böyük özəlliyi bu xidmətlərin məmurlara heç bir rüşvət ödənilmədən həyata keçirilməsidir. Sumqayıt ASAN xidmətində ilk dəfə əlillər üçün xüsusi lift quraşdırılıb. Gözdən əlil insanlar üçün bu liftdə müvafiq şərit yaradılıb.