Sumqayıt şəhər Gənclər
və İdman Baş İdarəsinin təşkilatçılığı ilə Sumqayıt Musiqi Kollecində ilk dəfə
səs verəcək gənclərlə görüş keçirilib.
Tədbirdə çıxış edən
Baş İdarənin rəisi Elgün Hümbətov iştirakçıları
salamlayaraq, ölkə və şəhər
rəhbərliyinin gənc nəslə göstərdiyi
qayğısından və respublikada dövlət gənclər siyasətinin uğurlu inkişafından, şəhərdə aparılan
abadlıq-quruculuq işlərindən, həyata keçirilən genişmiqyaslı layihələrdən, gələcək
inkişaf planlarından danışdı. Məqsəd
"Azərbaycan gəncliyi 2017 – 2021-ci illərdə” Dövlət Proqramının Tədbirlər Planının 5.7.3 yarımbəndinin
icrası, gənclər arasında seçkilərdə iştirakın təbliği, seçkilərdə ilk dəfə
iştirak edən gənclərin seçki prosesi, seçkilərdə iştirak hüququ, seçicilərin
hüquq və vəzifələri, səsvermə proseduru barədə maarifləndirilməsidir.
Sonra Kollecin
direktoru Rasim Quliyev ilk dəfə səsvermək hüququ əldə etmiş gəncləri təbrik edərək
onları seçkilərdə aktiv olmağa dəvət etdi. Qeyd edildi ki, ilk dəfə səs verəcək
gənclər bu böyük məsuliyyəti dərk edərək müstəqil insan kimi düzgün seçim etməlidir.
31 saylı orta məktəbin
tarix müəllimi Raqif Şirinov seçki qanunvericiliyindən, seçkilərdə iştirak
hüququ, səsvermə proseduru barədə ətraflı məlumat verərək, 18 yaşına çatmış hər
bir Azərbaycan vətəndaşının öz səsvermə hüququndan istifadə etməklə əslində
seçki obyektivliyini təmin etmiş olacağını bildirdi.
Sonda gəncləri
maraqlandıran suallar cavablandırılmış, iştirakçılara maarifləndirici bukletlər
paylanılmışdır.
Xəbərdən istifadə edərkən istinad etmək vacibdir.
